लघुकथा : मिसकल
✍️ मुरारीराज मिश्र,
पत्नी : फाेन बज्याबज्यै गर्या´थ्याे है अघिदेखि तपाईंको ! कतै जरुरी फाेन पाे हाे कि, हेर्नुस् एकपटक ! म बजार हिडें ।
पति : ए, त्यै रमेशले गर्या रैछ । आ... जरुरी भए फेरि गर्छ, कलब्याक गरेर फाेकटमा एकरूपैयाँ किन खर्च गर्नु !
(एकघण्टा पछि)
पत्नी : बजारमा रमेशबाबु भेटिनु भा´थ्याे, खै कता हाे साधारणसभा सकेर आएको रे ! संगै जान फाेन गरेकाे दाइकाे फाेन नै उठेन भन्दै हुनुहुन्थ्यो !
पति : हाे त नि, कस्तो हुस्सु भएछु ! सहकारीकाे साधारणसभामा गएको भए रू. १५००।- भत्ता आउँथ्यो, व्यर्थै गुम्याे !!
(उमामहेश्वर मार्ग, कुमारीगाल, काठमाडौं -७)
Comments
Post a Comment