प्रार्थना: चुलियाे अहम्ता ...
चुलियाे अहम्ता, दाैलत र धनले ।
हरि नाम जप्न, भुलेकाे छ मनले ।।
बिहानै उठे देखि, मन हुन्न शान्त ।
याे तेराे, याे मेराे, संधैकाे लडान्त ।।
पाउन्न रत्ति, आराम् याे तनले ।
हरि नाम जप्न, भुलेकाे छ मनले ।।
छुटाउन खाेज्छु म लाेभी प्रवृत्ति ।
हरेक दिन बढ्छ, घट्दैन कत्ति ।।
डुबाउन लाग्यो, अहाे ! स्वार्थीपनले ।
हरि नाम जप्न, भुलेकाे छ मनले ।।
आफैं रचेकाे, सेरो र फेराे ।
सर्वत्र देख्छ, मनले अँधेराे ।।
कहाँ मिल्छ शान्ति, भनिदेऊ जनले !
हरि नाम जप्न, भुलेकाे छ मनले ।।
~~~~~~~~~~~~~✍️मुरामि
Comments
Post a Comment