गजल
✍️ मुरामि
चाेरलाई चाेर भन्न डराउनु पर्ने बेला आयो ।
झुटलाई सत्य बनाउन कराउनु पर्ने बेला आयो ।।
मतलवी भए सबै बिना स्वार्थ केही नगर्ने ।
आफ्नैलाई घुस दिई काम गराउनु पर्ने बेला आयाे ।।
थाहा नभएकाे कहाँ हाे र उ फटाहा हाे भन्ने कुरा !
शक्तिशाली छ त्यसैले मनपराउनु पर्ने बेला आयो ।।
सत्य कुरा बाेल्दा जिब्रो थुतिने डर देखिंदैछ ।
मन नपरेनि उन्का कुरा सह्राउनु पर्ने बेला आयो ।।
के पाे गर्नु र व्यर्थमा आफूलाई सत्यवादी ठानेर !
सत्यमा अड्छु भन्नेले अब हराउनु पर्ने बेला आयाे ।।
Comments
Post a Comment