गजल: अहिलेकाे मान्छे
✍️ मुरारीराज मिश्र
अहिलेकाे मान्छे, मानवीय धर्मबाट चुक्दैछ
आपसमा लडाउने, उपयुक्त माैका ढुक्दैछ ।
मैले पहिल्यै भनेको थिएँ, बसेर मन माझाैं
देख्यो, कसिएकाे शंकाको गाँठो कसरी फुक्दैछ !
जैले देखि मेराे पक्षमा दरिलोसंग उभियाै
भ्रमकाे खेती गर्नेहरूकाे बालीनाली सुक्दैछ ।
सुन्दरताकाे बयान गर्दा `फुर्क्यायाै´ भन्थ्याै तिमी
हेर, तिम्लाई देख्दा चन्द्रमा लजाएर लुक्दैछ ।
जब हामी एकाकार भयाैं प्रेममा बाँधिएर
लाग्छ, त्यै बेलादेखि समय पनि टक्क रूक्दैछ ।
~~~~
कविता संसारमा प्रकाशित
Comments
Post a Comment